የአቋም መግለጫ

የኢትዮጵያ የሃይማኖት ተቋማት ጉባኤ ጾታዊ ጥቃት እያደረሰ ያለውን ግለሰባዊ፣ ማሕበረሰባዊ ብሎም ሀገር አቀፋዊ ጉዳት በመረዳት ያወጡት የአቋም መግለጫ
‎***
‎👉ቅዱሳት የሃይማኖት መጻህፍት ጾታዊ ጥቃትን የሚቃወሙ በመሆኑ እና ፈጣሪ ሴቶችን እንድንወድ እንጂ ጥቃት እንድንፈጽምባቸው ስላላዘዘን የጾታ ጥቃትን በጽኑ እናወግዛለን።
‎
‎👉እኛ የሃይማኖት ተቋማት መሪዎች ጾታዊ ጥቃትና እንዳይፈፀም ከምንሰጠው ሃይማኖታዊ አስተምህሮ ጐን የሃይማኖት አባቶች የነቃ ተሳትፎ ወሳኝ ስለሆነ በሁሉም የእምነት ተቋማቶቻችን ድርጊቱን ለማስቆም የሚደረገውን ዘመቻ አጠናክረን ለመቀጠል ተስማምተናል፡፡
‎
‎👉የጾታ ጥቃትም ሆነ የጐጂ ልማዳዊ ድርጊቶች መንስኤያቸው የመንፈሳዊ ሕይወት ውድቀት ወይም የስብዕና መንጠፍ በመሆኑ ለተከታዮቻችን በቋሚነት እና በተከታታይነት የሥነ-ምግባር ትምህርት ለመስጠት ቃል እንገባለን፡፡
‎
‎👉በጾታዊ ጥቃት መከላከል ጉዳዩ ከሚመለከታቸው መንግሥታዊ እና መንግሥታዊ ካልሆኑ ተቋማት ጋር በመቀራረብ በጋራ ለመስራት ተስማምተናል፡፡
‎
‎👉የጾታዊ ጥቃት የደረሰባቸው ወገኖቻችንን ባለን አቅም ሁሉ ለመደገፍና ለማቋቋም እንዲሁም ለተጠቂዎች ተገቢውን ፍትሕ እንዲያገኙ ከሕግ ከሌሎች የሚመለከታቸው አካላት ጋር ለመስራት ተሰማምተናል፡፡
‎
‎👉ሴቶች ከጥቃት እንዲጠበቁ የወንዶች አጋርነትና ተሳትፎ ወሳኝ መሆኑን ስለምናምን ወንዶች ድርጊቱን እንዲቃወሙና በቸልታ እንዳያልፉት ለማስተማር ተስማምተናል፡፡
‎
‎👉በቤተሰብ አባላት መካከል እንዲሁም በማህበረሰቡ ወስጥ ጥቃት እንዲቆም እና ጠንካራ ፍቅር የሞላበት ቤተሰብ እና የሰላም፣ የፍቅርና የፍትህ ማህበረሰብ ለመገንባት በጸሎት፣ ውይይትና በተግባር ለመትጋት ተስማምተናል።
‎
‎👉ማንኛውንም በሴቶች ላይ የሚፈጸም ጥቃትን ለማስቀረት የሁሉም ቤተ-እምነት ተቋማት የማስተባበር እና በጋራ የመስራት ጥረታችንን አጠናክረን እንቀጥላለን፡፡
‎
‎ከላይ የተጠቀሱት ዝርዝር ኃላፊነቶችን ከግብ ለማድረስ ቃል የገባን ቢሆንም በመንግሥት በኩል ደግሞ ትውልዱን ከጥቃትና ከጥፋት ለማዳን፡-
‎‎* ልቅ ጾታዊ ግንኙነት የሚገፋፋ የሚዲያ ማስታወቂያዎች እና ፕሮግራሞች ማስተካከያ እንዲደረግባቸው፤
‎*ትውልዱን በተለይም ወጣቱን ወደ ከፍተኛ ውድቀት የሚያመሩ የምሽት ዳንስ ቤቶች፣የሀሺሽ ቤቶች፣ የጫትና የአደንዛዥ እፅ መጠቀሚያ ቤቶችና ልቅ የወሲብ ፊልሞችን የሚያሳዩ ፊልም ቤቶች በአፋጣኝ ህጋዊ እርምጃ በቋሚነት እንዲወሰድባቸው፣ ‎*ምእመኖቻችንን በተለይም ወጣቱን ትውልድ ለጥፋት የሚዳርጉ የህትመት ውጤቶችን መንግሥት ካለበት ኃላፊነት አንፃር ክትትል በማድረግ የማስተካከያ እርምጃ እንዲወሰድ በድጋሚ አብክረን እናሳስባለን፡፡
‎

Please follow and like us: