Phone: +25111111111 Email: info@mowsa.gov.et
“በጎ ፈቃደኛ ወጣቶች የግል ምቾታችሁን ትታችሁ በየአካባቢው ያሉ አቻዎቻችሁን፣ የነገ ተተኪ ታዳጊ ህፃናትንና መላውን ህብረተሰብ ለበጎ ስራ በማነቃቃትና በተግባርም ጭምር በመሳተፍ ላበረከታችሁት አስተዋፅዖ ከልብ እናመሠግናለን” - ክብርት ዶ/ር ኤርጎጌ ተስፋዬ
በተለያዩ ክልሎች የበጎ ፈቃድ አገልግሎት ሲሰጡ ለነበሩት የወሰን ተሻጋሪ የበጎ ፈቃደኛ ወጣቶች የምስጋና መርሃ ግብር ተካሂዷል፡፡
በተዘጋጀው የምስጋና መርሃ ግብረ የሴቶች እና ማህበራዊ ጉዳይ ሚኒስትር ክብርት ዶ/ር ኤርጎጌ ተስፋዬ÷ የበጎ ፍቃድ አገልግሎት መተጋገዝንና መተሳሰብን ከማጎልበትና የሀገራችን ገፅታ በመልካም ከመለወጥ ባለፈ ወጣቶች የአካባቢን ባህል እና ወግ ለመለዋወጥ እገዛ አድርጓል ብለዋል። ተግባሩ በመንግስት ያልተሸፈኑ ማህበራዊና ኢኮኖሚያዊ ክፍተቶች ለመሙላትና የማህበረሰብ ችግሮችን ለመፍታትም ጉልህ አስተዋፅዖ እያበረከተ መሆኑን ጠቅሰዋል።
የኢፌዴሪ ጠቅላይ ሚኒስቴር ክቡር ዶ/ር ዐቢይ አሕመድ እንደሀገር አርያነት እና ተምሳሌት ሆነው በተግባር ጭምር ለበጎ ፈቃድ አገልግሎት ለሰጡት ትኩረትና ላሳዩት የላቀ አመራር ከፍተኛ አክብሮት እና ምስጋና አቅርበዋል።
በመርሐግቡሩ የተሳተፉ በጎ ፈቃደኛ ወጣቶች የግል ምቾታቸውን በመተው በቆይታቸው አቻዎቻቸውን፣ የነገ ተተኪ ታዳጊ ህፃናትንና መላውን ህብረተሰብ ለበጎ ስራ በማነቃቃት በተግባር በመሳተፍ ላበረከቱት የላቀ አስተዋፅዖ አመስግነዋል። ፕሮግራሙ የተሳካ እንዲሆን በየደረጃው የላቀ አስተዋፅዖ ላባረከቱ በጎ ፈቃደኞች፣ የፀጥታ አካላት፣ የክልል አመራሮችና የሚዲያ ተቋማት ምስጋና አቅርበዋል።
የዘንድሮው መርሐግብር ሀገራችን ኢትዮጵያ ከሁሉም ማዕዘናት ከሁሉም የህብረሰብ ክፍሎች የተወከሉ ዜጎች ችግሮቻችን ለመፍታት በጋራ እየመከሩ በሚገኙበት ታሪካዊ ወቅት መካሄዱ ልዩ ያደርገዋል፤ ይህንኑ የአንድነትና የትብብር መንፈስ የበለጠ የሚያጠናክር መሆኑን ተናግረዋል። እንደሀገር የተጀመሩ የበጎ ፈቃድ ስራዎች ከክረምት ባሻገር በበጋውም ተጠናክረው እንዲቀጥሉና ሁሉም በንቃት እንዲረባረብ ጥሪ አቅርበዋል።
